2023 թվականին ազդարարման էլեկտրոնային համակարգի միջոցով ստացվել է 116 ազդարարում, որից 99-ը եղել է անանուն, 94-ով հարուցվել է ազդարարման վարույթ, իսկ 22-ով մերժվել է ազդարարման վարույթի հարուցումը: 3 ազդարարման դեպքով հարուցվել է քրեական վարույթ: Քրեական վարույթները հարուցվել են Քրեական օրենսգրքի՝

• 441-րդ հոդվածի 2-րդ մասի 2-րդ կետի, 441-րդ հոդվածի 2-րդ մասի 5-րդ կետի և 445-րդ հոդվածի 1-ին մասի հատկանիշներով:
• 277-րդ հոդվածի 2-րդ մասի 2-րդ կետի հատկանիշներով:
• 447-րդ հոդվածի 1-ին մասի հատկանիշներով:

Ազդարարների նկատմամբ պաշտպանության միջոցների կիրառման դեպքեր չեն արձանագրվել: