azdararir.am - ԱԶԴԱՐԱՐՄԱՆ ՄԻԱՍՆԱԿԱՆ ԷԼԵԿՏՐՈՆԱՅԻՆ ՀԱՐԹԱԿ

ԱԶԴԱՐԱՐՄԱՆ ՄԻԱՍՆԱԿԱՆ ԷԼԵԿՏՐՈՆԱՅԻՆ ՀԱՐԹԱԿ

ՀԱՅ

ENG

РУС

Ինչպես ազդարարել անանուն եղանակով

Անանուն եղանակով ազդարարելու համար ազդարարման միասնական էլեկտրոնային հարթակի կայքում անհրաժեշտ է կատարել հետևյալ գործողությունները.

Կայքի Գլխավոր էջում գործարկել Ազդարարել կոճակը,

Ընտրել ԱՆԱՆՈՒՆ ԵՂԱՆԱԿՈՎ ԱԶԴԱՐԱՐՈՒՄ տարբերակը ազդարարման եղանակների ընտրության էջում,

ԱՆԱՆՈՒՆ ԵՂԱՆԱԿՈՎ ԱԶԴԱՐԱՐՈՒՄ ձևի դաշտերում մանրամասն լրացնել հանցագործությանը (կոռուպցիոն դեպքին) առնչվող տեղեկությունները,

Վերբեռնել հանցագործությանը (կոռուպցիոն դեպքին) առնչվող առկա փաստաթղթերը կամ աուդիո և տեսաձայնագրությունները (նյութերը հնարավոր է վերբեռնել միայն TXT, DOC, DOCX, PDF, JPG, JPEG, PNG, XLSX, XLS, MP3, WAV, MP4, AVI, 3GP, ZIP, RAR ձևաչափերով):

Լրացված տվյալները ստուգելուց հետո գործարկել Հաստատել ազդարարումը կոճակը,

Պահպանել տրամադրված օգտվողի անունը և գաղտնաբառը ազդարարման վարույթ իրականացնող մարմնի հետ հետադարձ կապ ունենալու և վարույթի ընթացքին հետևելու նպատակով:

Ինչպես ազդարարել տվյալներ ներկայացնելու եղանակով

Տվյալներ ներկայացնելու եղանակով ազդարարելու համար ազդարարման միասնական էլեկտրոնային հարթակի կայքում անհրաժեշտ է կատարել հետևյալ գործողությունները.

Կայքի Գլխավոր էջում գործարկել Ազդարարել կոճակը,

Ընտրել ՏՎՅԱԼՆԵՐ ՆԵՐԿԱՅԱՑՆԵԼՈՒ ԵՂԱՆԱԿՈՎ տարբերակը ազդարարման եղանակների ընտրության էջում,

ՏՎՅԱԼՆԵՐ ՆԵՐԿԱՅԱՑՆԵԼՈՒ ԵՂԱՆԱԿՈՎ ձևի ազդարարողի անձնական տվյալներին առնչվող դաշտերում լրացնել Ձեր տվյալները,

ՏՎՅԱԼՆԵՐ ՆԵՐԿԱՅԱՑՆԵԼՈՒ ԵՂԱՆԱԿՈՎ ձևի հանցագործությանը (կոռուպցիոն դեպքին) առնչվող դաշտերում մանրամսն լրացնել հանցագործությանը (կոռուպցիոն դեպքին) առնչվող տեղեկությունները,

Լրացված տվյալները ստուգելուց հետո գործարկել Հաստատել ազդարարումը կոճակը,

Պահպանել տրամադրված օգտվողի անունը և գաղտնաբառը ազդարարման վարույթ իրականացնող մարմնի հետ հետադարձ կապ ունենալու և վարույթի ընթացքին հետևելու նպատակով:

Ինչ է պետք անել ազդարարելուց հետո

Ազդարարելուց հետո խնդրում ենք պահպանել Ձեր մուտքի վավերապայմանները և պարբերաբար մուտք գործել համակարգ: Համակարգ մուտք գործելու համար անհրաժեշտ է կատարել հետևյալ գործողությունները.

Կայքի Գլխավոր էջում գործարկել Ազդարարել կոճակը,

Համապատասխան դաշտերում լրացրեք օգտվողի անունը և գաղտնաբառը ու գործարկեք Մուտք կոճակը,;

Ձեր ազդարարումների ցուցակից ընտրեք Ձեզ հետաքրքրող ազդարարումը և գործարկեք Բացել կոճակը,

Նշված գործողություննեը կատարելուց հետո Ձեր առջև կբացվի ազդարարման նեկայացման էջը, որի աջ մասում ներկայացվում են ազդարարման ներկա կարգավիճակը և ազդարարման վարույթի ընթացքը: Էջի ձախ հատվածում գտնվում է հետադարձ կապի միջերեսը, որի միջոցով ազդարարման քննարկման ընթացքում վարույթ իրականացնող մարմինը, հաղորդագրությունների միջոցով, կարող է կապ հաստատել Ձեր հետ՝ հաղորդմանն առնչվող անհրաժեշտ տեղեկությունների և փաստերի հավաքման նպատակով: Ազդարարումների ցուցակին վերադարնալու համար անհրաժեշտ է մկնիկով սեղմել կայքի վերնագրին:

Ինչպես թաքցնել ձեր սարքի համացանցային հաղորդակարգի հասցեն

Գոյություն ունեն ձեր սարքի համացանցային հաղորդակարգի հասցեն (IP address) թաքցնելու բազմաթիվ եղանակներ՝ կախված ձեր օգտագործած օպերացիոն համակարգից։ Այս բաժնում ներկայացվում են ամենատարածված եղանակները։

Tor Browser (Windows, macOS, Linux)

Ներբեռնե՛ք Tor Browser դիտարկիչը https://www.torproject.org կայքից, տեղադրեք և գործարկեք այն։

Եթե Tor Browser դիտարկիչը օգտագործում եք առաջին անգամ, ապա կտեսնեք Tor ցանցի կարգավորումներ (Tor Network Settings) պատուհանը։ Սա ձեզ տալիս է Tor ցանցին ուղղակիորեն միանալու հնարավորություն կամ ձեր միացումն ապահովելու համար Tor Browser դիտարկիչը կարգաբերելու հնարավորություն։ Դեպքերի մեծամասնությունում ընտրելով Միանալ (Connect) գործառույթը՝ ձեզ հնարավորություն կտրվի միանալու Tor ցանցին՝ առանց հետագա կարգաբերումների։

Opera (Windows, macOS, Linux)

Ներբեռնե՛ք Opera դիտարկիչը https://www.opera.com կայքից, տեղադրեք և գործարկեք այն։

Անցե՛ք Կարգավորումներ (Settings) բաժին։ Windows կամ Linux օպերացիոն համակարգում Opera դիտարկիչի Կարգավորումների ցանկը (Menu) բացելու համար կտտացրե՛ք Opera դիտարկիչի վերին ձախ անկյունում գտնվող O պատկերանշանին։ Ցանկի ստորին հատվածում դուք կգտնեք Կարգավորումներ (Settings) բաժնին արված հղում։ macOS օպերացիոն համակարգում Opera դիտարկչի Կարգավորումների ցանկը (Menu) բացելու համար գործիքագոտում կտտացրե՛ք Opera դիտարկչի պատկերանշանին։ Այստեղ կարգավորումների էջը ներկայացվում է Նախապատվություններ (Preferences) անվամբ։

Կտտացրե՛ք ձախ կողագոտում գտնվող Ընդլայնված (Advanced) բաժինը և մտեք Հնարավորություններ (Features) բաժին։

VPN-ի ներքո նշե՛ք Ակտիվացնել VPN-ը (Enable VPN)։ Երբ դուք ակտիվացնում եք VPN-ը, այն ինքնաբերաբեր գործարկվում է, և հասցեի ու որոնման գոտու համակցված դաշտում հայտնվում է կապտագույն VPN նշանակը։ Կտտացրե՛ք նշանակը և կտեսնեք միացված է/անջատված է (on/off) փոխարկիչը, փոխանցված տվյալների ծավալի վերաբերյալ տեղեկատվությունը, վիրտուալ գտնվելու վայրը և վիրտուալ համացանցային հաղորդակարգի հասցեն (IP address)։

Onion Browser (iOS)

Ներբեռնե՛ք Onion browser դիտարկիչը App Store-ից, տեղադրե՛ք և գործարկե՛ք այն։ Onion browser դիտարկիչը կարելի է օգտագործել դրա մեկնարկից անմիջապես հետո։ Սարքի համացանցային հաղորդակարգի հասցեն (IP address) կթաքցվի՝ առանց որևէ լրացուցիչ կարգավորումների։

Tor Browser for Android (Android)

Ներբեռնե՛ք Tor Browser for Android դիտարկիչը Google Play-ից, տեղադրե՛ք և գործարկե՛ք այն։

Ամեն անգամ Tor Browser for Android դիտարկիչը գործարկելիս ձեզ հարկավոր կլինի կտտացնել Միանալ (Connect) կոճակը՝ Tor ցանցին միանալու և ձեր սարքի համացանցային հաղորդակարգի հասցեն (IP address) թաքցնելու համար։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ

Հետադարձ կապ

0010 ք. Երևան, Վազգեն Սարգսյան 3/8,

Պաշտոնական էլ. փոստ: info@moj.am

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅՈՒՆ

85-00
Թեժ գիծ